Kamatoaaki uabubua uangaun ma uoman (222) aika iai manin te COVID-19 irouia
(Bairiki, Tarawa Katenibong, 9 n Beberuare 2022) ----- E a tia te Botaki ibukin te Mauri ao Katoki Aoraki ni kamatoa bwa iai Uabubua uangaun ma uoman aomata (222) ake a tia ni kamatoaki reken COVID-19 irouia imwin karaoan te tutuo nakoia n te bong aei Katenibong 9 n Beberuare 2022, ao angaun ma waniman (48) ake a marurung man otinako man taabo ni kamanomano.
E taku ana riboti te Botaki ibukin Te Mauri ao Katoki Aoraki ba tebubua itingaun ma temanna (171) case aika boou ake a reke rinanon te tutuo ae te PCR Lab test, angaun ma onoman (46) mai buakoia bon cases aika boou i Butaritari, uangaun ma ruaman (29) i Tarawa Teinaieta ao uangaun ma uoman (22) case aika boou rinanon te tutuo ae tawe ke te Rapid Antigen Test.
E taku naba te riboti aio bwa maitin ngkai keiti aika boou iaon Tarawa Teinainano ma Betio n tii ngaia bon tebubua uangaun ma niiman (125). Are nanona ba bootan maitin te keiti iaon te COVID-19 iaon Kiribati n te tai aio ai bon uoua tenga tebubua itingaun ma teniman (2173) bwa angaun ma uoman (42) ake bwatintia ake a roko mai Biiti, uoua te ngaa tebubua teningaun ma temanna (2,131) ake a kuneaki itinanikun taabo ni katantan iaon Tarawa Teinainano ma Betio ao Buota, tebubua uangaan (120) man te mwaiti anne ake a kuneaki iaon Butaritari ao uangaun ma ruaman (29) ake a kuneaki iaon Tarawaieta.
E kamatoa naba te Botaki ibukin te Mauri ao Katoki Aoraki bwa iai ngkai waningaun ma waniman (88) aomata ake a reke irouia COVID-19 I tinanikun taabo n katantan aika a ribotinaki bwa a tia ni marurung imwin koron tebui ma aua (14) aia bong n akea irouia aorakin COVID-19 ao aki naba roko n te rin n te onaoraki.
E katerea naba te Botaki ibukin te Mauri ao Katoki Aoraki bwa mai ibuakon ana keiti aika boou Tarawaieta ao iai temanna ae 65 ana ririki n maiu ibukin tararuakin marururingina ngkai e kakoauaki bwa ea bon tia ni boo ma imwaina. Te aroaki aio e a bon tia ni koro uoua itina ae te Astra Zeneca.
N raonaki ma aio ao e kamatoa naba te Botaki ibukin te Mauri ao Katoki Aoraki bwa te Aoraki are 60 ana ririki ni maiu are e kamwaingaki ngkoananoa ibukin tararuaakina n te tabo ni katantan, e bon teimatoa naba ngkai n tiku ao n tararuaaki ikekei. Irarikin aio ao e oti naba naba n te ribooti bwa iai uangaun (20) kaara ake a tia naba n rin nte On-aoraki a teimatoa n tarauaki ikekei ibukin marurungia ao tabeman mai ibuakoia a bon tia n kaokaki nakon aia auti imwin tuoakia ba a marurung.
A butiaki te botanaomata bwa ana ibubuoki n tararuaia aia kaara ngkai a rangi n kakai rotaki nte Aoraki aio. E kakawaki ae kam na taraia ba a riai n tia n koro itia, ao ni waekoa n reitaki ke nikiria ami kara nakon te on-aoraki ngkana iai namakin te Aoraki irouia.
E anga ana kauring te Tautaeka ao ni bubuti nakoimi te botannaomata kateimatoaan ami taotaonannano ao n ikarekebai ibukin karaoakin tibwangara ni kabane ibukin kauarerekean ke katokan te Aoraki aei ao man ongotaeka nakon irakin ana kainibaaire te Botaki ibukin te Mauri ao Katoki Aoraki iaan te kateniua n rietaata ni kauring are ti mena inanona ngkai ae Alert Level 3 ao ni kakoroi itimii ma ami kara ngkami ake kam riai n iti ibukin katanakimi ma ami utu man korakoran te Aoraki ae e buti ngkai.
----------------------------------
A total of two hundred and twenty-two (222) new COVID-19 positive cases were recorded today as testing continues, with all 48 quarantined cases been discharged from the isolation center after completing the 14 days quarantine period.
The Ministry of Health and Medical Services report says that COVID-19 medical testing via PCR lab test found a hundred and seventy-one cases (171), whilst Rapid Antigen Test found twenty-two (22) in South Tarawa, Betio and Buota, forty-six (46) cases in Butaritari island and twenty-nine cases in North Tarawa bringing a total number of COVID-19 confirmed cases in Kiribati to two thousand a hundred and seventy-three (2173).
The total number of COVID-19 positive cases has now increased to two thousand one hundred and seventy three (2,173) which comprises of forty two (42) imported cases and two thousand one hundred and thirty one (2,131) community cases on South Tarawa, Betio and Buota, one hundred and twenty (120) cases on Butaritari island and twenty nine (29) cases in North Tarawa.
The Ministry of Health and Medical Services reports says an elderly covid patient has been recorded as well, the 65-year-old patient is from North Tarawa has received the 2 dose vaccination but historically has had a stroke. The patient is at the isolation center for medical treatment and regular monitoring and reported to be in a stable condition.
Apart from these cases, the Ministry of Health and Medical Services also confirmed that forty eight (48) border cases at the Quarantine Centre have all been discharged after being tested negative from COVID-19. Eighty-eight (88) community cases have been confirmed to have recovered after passing their fourteenth day after being tested positive without needing to be admitted to the hospital.
The Government reminds the public to take extra care and look after their elderly parents and relatives, as they are vulnerable. The public is reminded to ensure that the elderly persons complete their vaccinations and to be taken to hospitals when they feel sick.
The Government also reminds the general public to strictly follow the Ministry of Health and Medical Services Standard Operational Procedures, comply with the curfew order under Alert Level 3 and to ensure that they are fully vaccinated to safeguard themselves and their families from the pandemic.
###
For more info, contact:
Communications& PR Unit, Office of The President, P.O Box 68, Bairiki, Tarawa, Republic of Kiribati
Tel: +686-75021183, Fax: +686-75021466, Mobile: +686-73026636; E-mail: tteabo@ob.gov.ki