Kuneaki uangaun ma teniman (23) riki keiti aika a boou ibukin te COVID-19
(Bairiki, Tarawa Kauabong, 25 n Tianuare 2022) ----- E a tia te Botaki ibukin te Mauri ao Katoki Aoraki ni kamatoa bwa manga uangaun ma teniman riki (23) ngkai mwaitin keiti aika a boou irouia aomata ake a kuneaki bwa iai irouia te COVID-19 itinanikun taabo ni katantan.
Teniman ma ibuakoia keiti aika a boou aikai a kawakinaki n te isolation centre ngkai iai rakan kanikinaean te Aoraki aio ae te bekanako, te mumuta ao te maraki ni bwaabwaa. N te riiboti are e karekeaki man te Botaki ibukin te Mauri ao Katoki Aoraki ni bwakantaain te bong aio ao uoman a tia ni kaotinakoaki bwa a na tiku ni kawakiniia iaan mweengaia. Ake uangaun a bon tiku ni kaawakiniia iaan mweengaia.
Are nanona bwa mwaitiia ngkai aika a tia n reke irouia te Aoraki aio ai bon waningaun ma ruaman (89) bwa teningaun ma onoman (36) ake bwatintia ake a roko mai Biiti ao nimangaun ma teniman (53) ngkai ake a kuneaki itinanikun taabo ni katantan.
Ibukin katoamauan mwakuri n ibuobuoki nakon te botannaomata ao te Tautaeka ni Kiribati e kaaitaua te Tautaeka n Aotiteria ibukin ana buooka aika 2,200 iiti aika taian Astra Zeneca n raonaki ma bwaai ni katantan riki tabeua ake a roko n te Moanibong 24 n Tianuare 2022.
Ibukin maurira ao kauarerekean butinakon te Aoraki aio ao e a bubutiiaki te botannaomata bwa kam na moanibwaia marurungimii, katoka te nakonako ao ni kateimatoaa te ongotaeka ao iran nanon ana kainibaaire te Botaki ibukin te Mauri ao Katoki Aoraki n aron kabonganaakin rabunan te ubu, te tauraroa, te tebo bai ma te toobu ao ai bwainakin te kakaitiaki n taainako.
A butiaki kaaro ao naake iai aia ataei bwa a na ibuobuoki n tararuaiia raoi aia ataei bwa a na aaki nakonako ke ni kitani mweengaia n te tairiki bon ibukin mauriia ao mauriia kaain mweengaia.
----------------------
The Ministry of Health and Medical Services has confirmed twenty-three (23) new positive COVID-19 cases outside border quarantine.
The Ministry of Health and Medical Services reported that amongst these new cases, three of them with mild symptoms were admitted at the isolation center whilst the other twenty cases were home quarantined. According to a recent update from the Ministry of Health and Medical Services two out of the three positive cases at the isolation center have been discharged this afternoon to quarantine at home. This brings the total number of positive cases to 89 which comprises of 36 imported and 53 local cases.
The Government of Kiribati acknowledges the donations of 2,200 doses of Astra Zeneca and other medical supplies from the Government of Australia received on Monday 24th January 2022 to assist in this difficult time.
The public is advised to strictly follow the Ministry of Health and Medical Services Standard Operational Procedures and comply with the curfew order to safeguard themselves and their families from this pandemic.
###
For more info, contact:
Communications& PR Unit, Office of The President, P.O Box 68, Bairiki, Tarawa, Republic of Kiribati.
Tel: +686-75021183, Fax: +686-75021466, Mobile: +686-73026636; E-mail: tteabo@ob.gov.ki